LIVERPOOL YAKAMILISHA USAJILI WA RICKIE LAMERT WA SOUTHAMPTON

Rickie Lambert akiwa na Uzi wa Southampton

Mshambuliaji wa England Rickie Lambert ( Pichani) anajiandaa kupata vipimo vya afya katika kukamilisha ndoto yake ya kujiunga na Liverpool akitokea Southampton kwa ada ya uhamisho Paundi milioni 4.

Lambert mwenye umri wa miaka 32 alishawahi kuichezea Liverpool miaka mitano akiwa mchezaji Chipukizi kipindi ameanza kucheza soka, amezichezea pia Bristol Rovers,Stockport na Rochdale.
Msimu ulioisha katika ligi kuu Nchini England lambert amekua mhimili mkubwa wa kikosi cha Southampton baada ya kufunga magoli 14 akitoa pasi za mwisho 10 katika mechi 39 akitengeneza kombinesheni nzuri kati yake Adam Lallana na Jay Rodrigous.

Kama Kila kitu kikienda sawa basi Lambert atasafiri kuelekea Merseyside baada ya mechi ya leo Ijumaa ya kirafiki kati ya  England dhidi ya Peru kupimwa afya na kutambulishwa Rasmi kama mchezaji wa Liverpool.

++++++++++++++++++++++++++++++++++++++++++++++++++++++