MIAKA 8 BAADA YA KUCHUKUA UBINGWA WOLFSBURG YANUSURIKA KUSHUKA DARAJA DAKIKA ZA MWISHO BUNDESLIGA

Waliokua mabingwa wa Ligi kuu ya Ujerumani Bundesliga klabu ya Wolfsburg imenusurika kushuka daraja baada ya kuibuka na ushindi wa bao 2-0 dhidi ya timu ya daraja la kwanza ya Eintracht Braunschweig katika mechi ya kutafuta timu itakayobaki ligi kuu au kupanda Ligi kuu ya nchi hiyo.


Tofauti na Nchi zingine Ujerumani wao anayeshika nafasi ya 16 kwenye msimamo wa bundesliga yenye timu 18 ambayo msimu huu ilikua ni Wolfsburg anapata nafasi ya mwisho kutetea nafasi yake ya kubaki Ligi kuu akicheza michezo miwili yani nyumbani na ugenini dhidi ya mshindi wa tatu katika ligi daraja la kwanza ambayo ilikua ni Braunschweig.

Wolfsburg baada ya kushinda bao 1-0 katika mechi ya awali iliweza kushinda tena jana kwa bao 1-0 hivyo kubaki katika Bundesliga ikiwa na ushindi wa jumla wa bao 2-0 na kufanikiwa kubaki katika ligi hiyo inayosifika kwa kuwa ngumu.

Ikumbukwe mwaka 2009 Wolsfburg ndiyo waliochukua ubingwa wa Ujerumani na misimu miwili iliyopita walishika nafasi ya pili kwenye msimamo wa ligi hiyo