WAKATI DORTMUND NA AS ROMA WAKIFUKUZA MAKOCHA WAO, ARSENAL WAMWONGEZEA MIAKA MIWILI WENGER

Moja ya habari kubwa zilizokuwa zinasubiriwa kwa hamu na mashabiki wa Arsenal duniani kote ni kuhusu mustakabali wa kocha Arsene Wenger kama ataondoka klabuni hapo au kama atabaki na leo imetoka habari kwamba Arsenal wameamua kumuongezea mkataba Arsene Wenger.


 Ni Rasmi sasa Meneja huyo Mkongwe wa Arsenal, ameridhia kuongeza Mkataba Mpya wa Miaka Miwili wa kuendeleza himaya yake ya Miaka 21 Klabuni hapo.

Kabla ya habari hizi za leo kulitoka habari kwamba Wenger atakutana na bodi ya wakurugenzi ya Arsenal leo Jumanne kujadili mustakabali wake na ndipo ikatoka habari ya Wenger kuongeza miaka miwili.

Licha ya kuvuja kwa hbari za Wenger kuongeza Mkataba bado Klabu hiyo imesema itatoa tamko rasmi kesho Jumatano.

Kwa mara ya kwanza Tangu alipofika Arsenal kocha Arsene Wenger ameshindwa kumaliza katika nafasi 4 za juu ili kuweza kupata nafasi ya kucheza katika ligi ya mabingwa barani Ulaya. huku wakishinda ubingwa wa kombe la FA ambao unawapa nafasi ya kushiriki katika michuano ya Europa league wakianzia hatua ya makundi.

Wakati Arsenal wakionekana kuridhika na Arsene Wenger nchini Ujerumani klabu ya Borussia Dortmund licha ya kutwaa kombe la Ligi nchini humo imemtimu akocha wake Thomas Tuchel wakati nchini Italia nako AS Roma wamemtimua kocha wao.