UKAME WA MABAO MSN WAITUPA NJE BARCELONA MABINGWA ULAYA

Moja kati ya Safu bora kabisa ya ushambuliaji duniani ni safu ya ushambuliaji ya klabu ya Barcelona ambayo imepewa jina la MSN ikiwaunganisha Lionel Messi, Luis Suarez na Neymar.

Katika miaka ya hivi karibuni Barcelona imekua ikifunga mabao mengi sana kupitia washambuliaji hao lakini hali imekua tofauti msimu huu hasa katika michuano ya ligi ya mabingwa barani Ulaya ambapo usiku wa jana Barcelona ikiwa nyumbani ilishindwa kutinga hatua ya nusu fainali bila ya kufunga bao lolote katika mechi mbili za hatua ya robo fainali dhidi ya Juventus ya Italia.

Sare ya bila kufungana jana ilikua ni matokeo ya pili baada ya kufungwa bao 3-0 katika mechi ya awali hivyo kutupwa nje ya michuano hiyo kwa ujumla wa bao 3-0 huku Juventus ikiungana na Monaco,mabingwa watetezi Real Madrid na Atletico Madrid.