CHELSEA NA TOTTENHAM ZATAWALA WACHEZAJI BORA EPL

Mbio za Ubingwa wa ligi kuu ya England baina ya Chelsea na Tottenham zimehamia pia katika idadi ya wachezaji bora wa msimu katika ligi kuu ya England baada ya timu zote hizo kutoa wachezaji wanne.

Timu bora ya mwaka ya wachezaji wa kulipwa katika ligi kuu ya England iliyotolewa leo inajumuisha wachezaji watatu tu toka katika timu zingine ukiacha Chelsea na Tottenham.

David De Gea wa Manchester United, Sadio Mane wa Liverpool na Romelu Lukaku ndiyo pekee waliokamilisha orodha hiyo kutoka katika vilabu vingine.

Chelsea ambayo inapewa nafasi kubwa kutwaa ubingwa wa ligi kuu msimu huu imetoa wachezaji David Luiz na Gary Cahill ambao ni mabeki pia wamo Ngolo Kate na Eden Hazard

Totenham wao wametoa wachezaji Kyle Walker na Danny Rose ambao ni mabeki wa pembeni wakati wamo pia Harry Kane na Delle Alli.

Katika wachezaji hao 11 ni wachezaji watano tu waliofanikiwa kuingia tena mwaka huu baada ya mwaka jana pia kuwemo ambao ni De Gea,Danny Rose,Delle Alli,Kante na Harry Kane.