STAND UNITED YAIGARAGAZA NDANDA FC KAMBARAGE SHINYANGA

Chama la Wana klabu ya Stand United ya Mjini Shinyanga imeibuka na ushindi wa bao 3-0 katika mchezo pekee wa ligi kuu soka Tanzania bara katika uwanja wa Kambarage mjini humo.

Mabao ya Stand United inayofundishwa na kocha wa zamani wa Simba Patrick Lewig yaliwekwa kimiani na Nahodha Jacob Hamis, Frank Hamisi na Adam Salamba.

Stand United ambayo kwa matokeo ya leo imefikisha pointi 35 ikipaa mpaka nafasi ya Sita huku Ndanda FC wakibakiwa na pointi zao 30 kwenye nafasi ya 13.