HARRY REDKNAPP AREJEA KATIKA SOKA, ZOLA ABWAGA MANYANGA

Siku moja baada ya kubwaga manyanga kwa Aliyekua kocha mkuu wa klabu ya Birmigham City ambaye pia alikua mchezaji wa zamani wa Chelsea Gianfranco Zola, klabu hiyo imemtangaza kocha Harry Redknapp kuwa kocha wake mkuu.

Redknapp kocha mwenye jina kubwa katika soka la England amekua bila kazi tangu mwaka 2015 alipoondoka QPR.

Mazungumzo baina ya klabu hiyo na kocha huyo yanasemekana mkataba kamili wa kocha huyo utasainiwa mwishoni mwa msimu huu na kazi yake kubwa sasa ni kuinusuru klabu hiyo katika janga la kushuka daraja kutoka katika ligi daraja la kwanza maarufu kama Championship ambapo City wana pointi 3 juu ya mstari wa kushuka daraja zikiwa zimesalia mechi nne.