EPL: SANCHEZ NA OZIL WAIPA USHINDI MUHIMU ARSENAL UGENINI

Pambano pekee la ligi kuu ya soka nchini England lililopigwa Usiku wa Jana Jumatatu kati ya wenyeji Middlesbrough na Arsenal limemalizika kwa ushindi wa bao 2-1 walioupata Arsenal.

Alexis Sanchez alitangulia kuipatia Arsenal bao la kwanza dakika ya 42 bao lililodumu mpaka mapumziko.

Kipindi cha pili Middlesbrough waliongeza kasi ya mashambulizi na dakika ya 50 Alvaro Negredo aliisawazishia Middlesbrough  kabla ya Mesuit Ozil hajaipa bao la ushindi Arsenal na kufanya mchezo huo kumalizika kwa ushindi huo wa bao 2-1.

Matokeo hayo yanaipandisha Arsenal kwa nafasi moja ikifikisha pointi 57 katika nafasi ya 6 wakati Middlesbrough wao wakiendelea kukalia "kuti kavu" na pengine wakashuka daraja kama hali itaendelea kuwa ilivyo.