ATLETICO MADRID YAKAMILISHA NDOTO YA LEICESTER CITY MABINGWA ULAYA

Ndoto za klabu ya Leicester City kufika hatua ya nusu fainali kwenye ligi ya mabingwa barani Ulaya imefutika baada ya kutupwa nje kwa jumla ya magoli 2-1.

Ikicheza nyumbani usiku huu Leicester City ilikubali kutoka sare ya bao 1-1 na Atletico Madrid kwenye mchezo wa marudiano katika hatua ya robo fainali baada ya ule wa awali Leicester kufungwa bao 1-0 jijini Madrid.

Saul Niguez alitangulia kuifungia Atletico Madrid bao la kuongoza dakika ya 26 ya mchezo lakini Jamie Vardy akaisawazishia Leicester City dakika ya 61 na kufanya mchezo huo kumalizika kwa sare ya bao 1-1.

Hii ni mara ya kwanza Leicester City kucheza katika ligi ya mabingwa Ulaya na kufanikiwa kufikia hatua ya robo fainali.