RONALDO "AITEKA" DUNIA, APIGA HAT-TRICK NA KUIPELEKA REAL MADRID NUSU FAINALI.

Wiki moja baada ya kufunga mabao mawili katika ushindi wa bao 2-1 walioupata Real Madrid kwenye ligi ya mabingwa dhidi ya Bayern Munich, Mchezaji bora wa dunia kwa sasa Cristiano Ronaldo leo amefunga bao 3 katika ushindi wa bao 4-2 dhidi ya Bayern Munich.

Roberto Lewandowski alitangulia kuifungia Bayern Munich bao la kwanza kwa njia ya penati kabla ya Ronaldo hajaisawazishia Real Madrid lakini makosa ya nahodha Sergio Ramos yalifanya mchezo huo kwenda katika dakika 120 baada ya kujifunga na kufanya matokeo ya jumla kuwa bao 2-2.

Dakika 30 za nyongeza zilimpa Ronaldo nafasi ya kufunga bao 2 zaidi huku Marco Asensio akifunga bao 1 na kufanya mchezo huo kumalizika kwa ushindi kwa Real Madrid wa bao 4-2 na kutinga nusu fainali kwa ushindi wa jumla wa bao 6-3.

Ronaldo amefikisha magoli 100 leo katika historia ya ligi ya mabingwa barani Ulaya na kumfanya kuwa mchezaji wa kwanza duniani kuweza kufikia rekodi hiyo ikumbukwe wiki iliyopita alifikisha mabao 100 katika michuano ya Ulaya ikijumlisha mabao aliyofunga katika Uefa Super Cup.