KALABA AWAPA TP MAZEMBE UBINGWA KOMBE LA SHIRIKISHO BARANI AFRIKA

Mabingwa wa zamani wa Afrika klabu ya TP Mazembe ya DRC jana usiku ilishinda ubingwa wa kombe la Shirikisho barani Afrika baada ya kuifunga MO Bejaia ya Algeria kwa bao 4-1.


Mazembe ambao walikua katika michuano ya klabu bingwa Afrika kabla ya kushindwa kufuzu kwa hatua ya makundi na kuangukia katika michuano ya kombe la Shirikisho imeshinda ubingwa huo kwa matokeo ya jumla ya bao 5-2 baada ya mechi ya awali kumalizika kwa sare ya bao 1-1 nchini Algeria.

Alikua ni Nahodha wa TP Mazembe Mzambia Rainford Kalaba aliyefunga bao 2 katika mechi ya jana iliyopigwa katika dimba la Mazembe huko Lubumbashi magoli mengine yakifungwa na Merveille Bope na Jonathan Bolingi.

Kwa kushinda ubingwa huo TP Mazembe imejipatia kiasi cha fedha dola 660,000 sawa na shiling za Kitanzania 1.4 Bilion.