TOTTENHAM YAMSAJILI SON HUENG-MIN TOKA BAYER LEVERKUSEN

Klabu ya Tottenham Hotspurs imemsajili mkali wa mabao wa Korea anayeichezea klabu ya Bayer Leverkusen ya Ujerumani Son Hueng-min kwa ada ya usajili paundi milioni 22 akisaini mkataba wa miaka mitano mpaka mwaka 2020.

Son mwenye miaka 23 amefunga magoli 29 katika mechi 87 aliyoitumikia Leverkusen tangu aliposajiliwa mwaka 2013 akitokea Hamburg SV.

Son anajiunga na Spurs wakati huu dirisha la usajili likielekea kufungwa na hii inatokana na kuamua kuuachana na mpango wa kumsajili Saido Berahino toka West Brom ambaye klabu yake imesema kijana huyo mwenye miaka 22 hauzwi.

Son ni kati ya wakali wa kikosi cha timu ya taifa ya Korea Kusini akifunga bao 11 katika mechi 44 na akiwa Spurs atavaa jezi namba 7.