RASMI: JUVENTUS YAMSAJILI SAMI KHEDIRA BUREEEE

Ana miaka 28 Anacheza nafasi ya kiungo katika timu ya taifa ya Ujerumani lakini amekosa nafasi katika kikosi cha Real Madrid.

Huyu ni Sami Khedira kiungo wa Ujerumani ambaye ameamua kujiunga na mabingwa wa Italia Juventus kwa mkataba wa miaka minne bila ada yoyote ya uhamisho baada ya mkataba wake na Real Madrid kufikia ukingoni.

Khedira atakua mchezaji rasmi wa Juventus ikifika tarehe 1 Julai na kuanza kuitumikia Juventus ambao Jumamosi walikaribia kunyakua ubingwa wa Ulaya baada ya kupoteza dhidi ya Barcelona

Ameshinda Ubingwa wa Spanish La Liga mara moja,Ligi ya mabingwa Ulaya Mara moja na kombe la Mfalme mara moja tangu alipojiunga na Real Madrid mwaka 2010 akitokea Sturtgart ya Ujerumani.

Khedira alihusishwa sana msimu uliopita kujiunga na Arsenal lakini dili hilo halikufanikiwa sasa anaenda Juventus ambako ni dhahiri atapata nafasi ya kucheza kwakua Andre Pirlo,Artudo Vidal na Paul Pogba wanaweza kuihama Juventus majira haya ya kiangazi.