JUVENTUS MGUU MMOJA NDANI FAINALI LIGI YA MABINGWA ULAYA

Pambano la Ligi ya mabingwa Barani Ulaya
kati ya Mabinwa Watetezi real Madrid dhidi ya mabingwa wa Italia Juventus lilimalizika kwa Juventus kuibuka na ushindi wa bao 2-1 ushindi ambao unawapa matumaini ya Juventus kunusa Fainali ya michuano hiyo mikubwa na maarufu duniani kwa ngazi ya klabu .

Mshambuliaji wa zamani wa Real Madrid
Alvaro morata alitangulia kuifunga timu yake
hiyo ya zamani akifunga bao safi akimalizia kazi nzuri ya Carlos Tevez.

Cristiano Ronaldo alisawazishia Real Madrid
akifunga bao lake la 76 katika historia ya
michuano hiyo akimzidi Messi kwa bao moja
kama mfungaji bora kabisa katika michuano ya klabu bingwa barani Ulaya. Carlos Tevez
alifunga bao la ushindi kwa Juventus kwa
penati baada ya kukwatuliwa na Dani Carvajal na kufanya mchezo huo kumalizika kwa ushindi kwa Juventus.

Mechi ya marudiano itapigwa wiki ijayo jijini Madrid ambapo Juventus watahitaji ushindi au sare yoyote kuweza kuvuka hatua hii na kuingia fainali itakayopigwa katika mji wa Berlin Ujerumani. Mechi ya jana imeifanya Real Madrid kufikisha mechi 8 nchini Italia bila ya kuibuka na ushindi katika michuano ya Ulaya.