MAN UNITED HOI YAPIGWA 3 NA EVERTON

Presha imezidi kuongezeka kwa Klabu ya Manchester United baada ya kupoteza mchezo wa pili mfululizo wakikubali kichapo cha bao 3-0 ugenini dhidi ya Everton.

Mechi hiyo ya ligi kuu Nchini England imemalizika muda si mrefu katika dimba la Goodson Park jijini Liverpool.

Man United ikitawala mchezo kwa asilimia zaidi ya 66 imekubali kipigo hicho toka kwa Everton na kuendeleza uteja wa Man United  kwa Everton.

Magoli ya Everton yalifungwa na James McCarthy,John Stones na Kevin Miralas ambaye aliingia kipindi cha pili.

Matokeo hayo yamezidi kuwanufaisha Everton wakipanda mpaka nafasi ya 10 wakiwa na pointi 44 wakati Man United Wamebaki katika nafasi ya 4 wakiwa na pointi 65 ikiwa ni kipigo cha pili mfululizo baada ya kile cha wiki iliyopita dhidi ya Chelsea.

Huu ni mchezo wa 34 katika ligi kwa kocha Louis Van Gaal ikiwa amefundisha mechi sawa na David Moyes kabla hajaondoshwa Man United huku Van Gaal akishinda mechi mbili zaidi ya Moyes na magoli matatu zaidi ya Moyes.

++++++++++++++++++++++++++++¤+