WACHEZAJI CHELSEA WASHANGILIA SARE DHIDI YA ARSENAL.

Wachezaji wa Chelsea wameonekana wakishangilia sare waliyopata dhidi ya Arsenal katika uwanja wa Emiratea jijini London ambapo timu hizo zilikutana katika mtanange wa ligi kuu ya England na kumalizika kwa sare ya bila kufungana.

Mchezo huo ambao ulichezeshwa na mwamuzi Michael Oliver ulishuhudiwa kama kawaida Arsenal wakimiliki mpira kwa kiwango kikubwa huku Chelsea wakicheza mchezo wa kushtukiza na kuzuia wasifungwe bao lolote.

Kama ilivyo ada kwa Jose Mourinho kuhakikisha hapotezi mchezo wa Ugenini ndivyo alivyofanya leo ikumbukwe Mourinho alipocheza na Man United na Man City alihakikisha hafungwi na kulazimisha sare na leo pia kalazimisha sare ambayo inazidi kumweka juu katika kuelekea kuchukua ubingwa.

Kwa matokeo hayo Chelsea wanabaki kileleeni mwa msimamo wa Ligi kuu wakiwa na pointi 77 huku wakiwa na mchezo mmoja mkononi na Arsenal wao wanabaki na pointi zao 67 katika nafasi ya 3 wakilingana na Manchester City.