EVERTON VS MAN UNITED: UNAPASWA KUYAFAHAMU HAYA

Ukiacha pambano lililoteka akili za Wapenda Soka wengi leo baina ya vinara wa ligi kuu nchini England Chelsea watakaposafiri kuwakabili mabingwa wa kombe la FA msimu uliopita Arsenal katika uwanja wa Emirates, kuna pambano lingine kali baina ya Manchester United watakaokuwa ugenini kuwakabili Everton FC.

Huu ni mchezo wa 34 kwa kocha Louis Van Gaal katika ligi huku Man United ikishika nafasi ya 4 katika msimamo wa ligi mpaka sasa wakati Everton wao wako katika nafasi ya 12.

United itaingia katika mchezo wa leo ikijivunia kucheza vizuri katika me hi zake 5 zilizopita licha ya kupoteza mechi iliyopita dhidi ya Chelsea.

Maroane Fellainatarudi kwa mara ya kwanza katika uwanja wa Goodson Park tangu alipoondoka huu ukiwa ni msimu wake wa pili huku wengi tukitaka kujua nini kitatokea kwa mashabiki wa Everton watakapomwona kwani Wayne Rooney amekua akizomewa mara zote anapocheza katika uwanja huo.

Angel Di Maria atajaribu bahati yake leo kuondoa gundu la kutofunga maana mara ya mwisho alipofunga ilikua katika mechi dhidi ya Everton katika uwanja wa Old Trafford huku United ikiibuka na ushindi wa bao 2-1

Michael Carick,Marcos Rojo na Phil Jones watauoosa mchezo huo kwa upande wa Man United wakati Steven Piennar atakosamechi hii kwa upande wa Everton kutokana na majeruhi.

HAYA NI BAADHI YA MAMBO UNAYOPASWA KUYAFAHAM

• Everton wanatatafuta ushindi wao wa tatu mfululizo wakiwa nyumbani dhidi ya Manchester United
• Man United imeshinda mara moja tu katika mechi 6 walizocheza katika uwanja wa Goodson Park
• katika mechi 5 zilizopita Everton imefanikiwa kushinda mechi zote hizo na haijafungwa nyumbani katkka mechi zote walizocheza nyumbani mwaka 2015 ikishinda 5 na kutoka sare 5.
• Romelu Lukaku ndo mchezaji pekee aliyebaki katika ligi kuu nchini England ambaye amefanikiwa kufunga hat trick dhidi ya Manchester United wengine ni Dirk Kuyt,Samuel Eto'o na David Bentley.
• Man United imeshinda mechi tatu tu ugenini katika mechi 9 ikitoka sare mara 4 na kufungwa mara moja.
• David Moyes alitimuliwa baada ya kufungwa bao 2-0 na Everton ikiwa ni mwaka mmoja umetimia tangu alipotimuliwa kuifundisha Man United.

Enjoy

Imeandaliwa na Edo Daniel Chibo