RATIBA KOMBE LA CAPITAL ONE - CHELSEA YAPATA MTEREMKO

Ratiba ya Kombe la Ligi Nchini England (Capital One) hatua ya 4 Imetoka jana huku ikishuhudiwa mabingwa Watetezi Man City wakipangwa kukutana na Newcastle United.
Man City ndo timu iliyoshinda magoli mengi hatua iliyopita kwani waliwafunga Sheffield Wednesday bao 7-0 magoli yote yakifungwa kipindi cha pili cha mchezo.

Liverpool baada ya kupita kwa penati za mbio ndefu wana mtihani mgumu kuwakabili mabingwa wa misimu miwili iliyopita Swansea ambao walipita hatua ya tatu kwa kuwafunga wapinzani wa Livepool Everton bao 3-0 katika uwanja wa Liberty Wales mchezo huo utapigwa dimba la Anfield.



Chelsea wao watakua ugenini kuikabili timu pekee ya daraja la chini kabisa Shrewsbury inayoshiriki Ligi daraja la Pili Nchini England. Inaonekana kama mteremko kwa Chelsea hapa baada ya kupata ushindi wa tabu katika mechi ya hatua iliyopita wakiifunga Bolton bao 2-1 darajani.

Michezo hiyo imepangwa kuchezwa Tarehe 28 na 29 Oktoba ambapo lazima mechi imalizike kwa ushindi na ni mechi moja tu inachezwa anayefungwa ametoka na anayeshinda amepita.

RATIBA KAMILI
Fulham vs Derby
Bournemouth vs West Bromwich Albion
Liverpool vs Swansea
Man City vs Newcastle United
MK Dons vs Sheffield United
Shrewsbury vs Chelsea
Stoke City vs Southampton
Tottenham vs Brighton
.. Jumla ya timu 16 zitacheza hatua hii.