MASHABIKI MAN UNITED KURUSHA NDEGE JUMAMOSI YENYE BANGO LA KUMTAKA RONALDO

Baada ya jaribio la kwanza lililofanywa na Mashabiki wa Manchester United kumng'oa Kocha david Moyes sasa limezuka jipya ambapo kundi la mashabiki wa United wanaojiita UNITED REEL wamejichanga na kupata kiasi cha pesa Paundi 3,000 kiasi ambacho kitatumika kukodi ndege itakayobeba bango la kumtaka Cristiano Ronaldo kurudi "nyumbani"

Kiongozi wa kundi hilo Oli Grandidge alinukuliwa akisema kuwa " Tuna wafuasi kila kona ya Ulimwengu na wote sisi tunaunganishwa na Upendo wetu kwa Cristiano Ronaldo kama Mchezaji na kama mtu tunayemuhitaji klabuni. Hatutaacha kupigania hili mpaka Tumrudishe Ronaldo Nyumbani"

Ndege ya Kukodi inatarajiwa kuruka hewani kukatiza uwanjani katika mchezo wa jumamosi dhidi ya Villareal ikiwa na maneno "COME HOME RONALDO - UNITED REEL" (Rudi Nyumbani Ronaldo)

Inasemekana mashabiki toka Lebanon,Falme za Kiarabu na Misri ndiyo waliofanikisha kupatikana kwa fedha hizo.
Kama wakifanikiwa lengo lao hilo itakua mara ya Pili baada ya Ile ya mwanzo kufanikiwa ikiwa na bango la WRONG ONE - MOYES OUT.

Je mpango huo utatimia?