WASHAMBULIAJI BARCELONA BUTU

■■ WASHINDWA KUPIGA SHUTI LOLOTE GOLINI JANA.

Washambuliaji wa Barcelona jana walishindwa kabisa kupiga shuti lolote golini walipolazimishwa sare ya 0-0 na Malaga katika mechi ya ligi kuu nchini Hispania (La Liga)

Haijawahi kutokea katika kikosi cha Barcelona ambacho kina Lionel Messi kushindwa kupiga mpira wowote langoni mwa timu pinzani lakini jana historia iliwekwa kwa Barcelona ambayo iliongozwa na Lionel Messi na Neymar kushindwa kupiga shuti lililolenga lango.



Barcelona wanakosa huduma ya mshambuliaji wake mpya Luis Suarez ambaye amefungiwa mpaka mwishoni mwa mwezi Oktoba kufatia adhabu aliyopewa na shirikisho la soka duniani FIFA kufuatia kumng'ata kwa makusudi beki wa Italia Gergio Chiellin wakati wa fainali ya kombe la Dunia.

Licha ya kumiliki mpira kwa 67% na Kupiga mashuti 7 lakini hakuna shuti lolote lililolenga goli wakati Malaga wao walipiga mashuti manne mawili yakilenga goli na mawili yakitoka nje ya goli huku wakimiliki mpira kwa 33%.

Zilipigwa Kona 2 na Malaga wakati Barcelona wao walipata kona 8. Faulo zilitawala katika mchezo huo kwani Malaga walifanya faulo 15 na kupata kadi 2 za njano huku Barcelona wakifanya faulo mara 12 na wakazawadiwa kadi 2 za njano.

Barcelona wanaendelea kushikia usukani wa ligi wakiwa na pointi 13 sawa na Sevilla inayokamata nafasi ya pili. Mabingwa watetezi Atletico Madrid wanakamata nafasi ya 3 wakiwa na pointi 11. Valencia ni ya 4 ikiwa na pointi 10 wakati mabingwa wa Ulaya Real Madrid wanakamata nafasi ya 5 na pointi zao 9.

{ Edo DC}