MIWANI PANA YA EDO ~ ARSENAL vs MAN UNITED, ILE VITA INAENDELEA

Habari iliyoko mtaani hivi sasa sio zile goli 5 walizofungwa Arsenal Jumamosi wala sio lile goli la Darren Bent dakika za lala buriani ambalo lilizima kabisa na kugeuza Furaha kua huzuni katika uwanja wa Old Trafford Pale Fulham walipotoa sare na mabingwa Watetezi ambao msimu huu umekua mbaya kwao huku Vijana wa mzee Wenger wakipaa katika nafasi za Juu.

Man United inaifata Arsenal huku ikiwa ni ya 7 katika msimamo wa Ligi Ikiwa na pointi 41, Wakati Arsenal Iko katika nafasi ya 2 ikiwa na pointi 55.

KUHUSU HALI ZA WACHEZAJI
 

ARSENAL

Mshambuliaji raia wa Ufaransa Yaya Sanogo yuko sawa na anaweza kucheza katika mechi hiyo baada ya kupona maumivu ya mgongo yaliyomweka nje ya uwanja kwa miezi mitano. Mathieu Flamin hatokuwepo akitumikia adhabu ya kadi nyekundu. Aaron Ramsey, Kim Kallstrom, Thomas Vermaelen, Abou Diaby na Theo Walcott wote hawatakuwepo kutokana na kuwa majeruhi.
Inategemewa kutokua na mabadiliko makubwa katika kikosi kilichofungwa 5-1 na Liverpool

MAN UNITED

  Phili Jones, John Evans,Nani na Fellain Watakua nje ya uwanja kutokana na majeruhi huku Robin Van Perse akianza pamoja na Rooney na Mata kama walivyoonekana katika michezo mitatu iliyopita ya Man United.

HISTORIA INASEMAJE?

 

Historia ipo kwaajili ya watu kukumbuka tulipotoka lakini kamwe haiwezi kuamua matokeo ya leo. Hizi timu zimekua na mashabiki wengi siku hizi na kuongeza msisimko zinapocheza.

•  Katika Mara 13 zilizopita zilipokutana timu hizo Arsenal wameshinda mara moja tu Goli la Aaron Ramsey mwaka 2011 katika Uwanja wa Emirates huku Man United ikishinda mara 10, Sare zimepatikana mara 2 tu.
• Kipigo cha 5-1 toka kwa Liverpool kimekua kipigo cha kwanza kwa Arsenal katika ligi msimu huu baada ya kucheza mechi 9 bila kufungwa.
• Muda kama huu msimu uliopita Man United ilikua ikiongoza Ligi kwa tofauti ya pointi 10 ikiongoza Ligi lakini hivi sasa iko katika nafasi ya 7 ikiwa nyuma kwa pointi 15 chini ya anayeongoza ligi.
• Arsenal hawajafungwa katika uwanja wao wa Nyumbani tangu waliporuhusu kipigo cha 3-1 katika mechi ya Ufunguzi toka kwa Aston Villa.
• Robin Van Perse amefunga magoli 7 katika mechi 8 zilizopita na amefunga katika kila mechi zilizocheza timu hizo akifunga mara 2 alipokua Arsenal na amefunga mara 3 akiwa United.
• Wayne Rooney na Dwight Yorke ndiyo wachezaji walioweka rekodi ya kufunga magoli matatu kila moja kati katika mechi baina ya timu hizo

Kwa Mtazamo wangu nikitumia miwani yangu iliyoongezeka lenzi hii ni mechi ambayo tunaweza kushuhudia timu moja ikifungwa goli nyingi sana ikimbukwe Arsenal hawana forwadi kali kama Man United lakini Man United hawana Beki kali kama Arsenal hasa beki za kati.

Imeandaliwa na Edo Daniel Chibo

++++++++++++++++++++++++++++++++++++++++++++++++++++++++++++++++++++