HABARI 10 KALI ZA SOKA LEO

Siku imeisha na mambo mengi yametokea katika ulimwengu wa Kandanda na haya ni kati ya yale machache kati ya mengi ambayo tuliweza kuwakusanyia Wapenda Soka

• Mchezo wa Ligi kuu Tanzania Bara kati ya Mabingwa Watetezi Yanga na watani zao Simba utapigwa katika dimba la Uwanja wa Taifa Oktoba 20 mwaka huu huku mchezo wa Marudiano ukipigwa siku ya mwisho wa Ligi Aprili 27 mwakani. Ligi Kuu ya Vodacom Tanzania inatarajia kuanza Agosti 24 ikishirikisha timu 14 huku ikitanguliwa na mchezo wa Ngao ya Hisani kati ya Mabingwa Yanga na Makamu Bingwa Azam Fc mchezo utakaopigwa wiki moja kabla ya kuanza kwa ligi hiyo.

       

Mabingwa Tanzania Yanga

• Klabu ya Azam Ya Dar Es Salaam leo imetangaza dili kwa vijana wenye ndoto ya kuichezea timu hiyo kwamba watakua na siku moja ya kuwakaribisha vijana wenye umri chini ya miaka 15 kujaribu bahati yao ya kuichezea Azam kwani watakua na siku moja ya kuangalia vipaji vya vijana hao na watakaofaulu watapelekwa katika Academy ya timu hiyo.

• Klabu ya Barcelona ya Hispania imemtangaza kocha Gerardo Martino Tata kuwa kocha mpya wa timu hiyo kwa mkataba wa miaka miwili kufuatia kujiuzulu kwa kocha Tito Vilanova. Kocha huyo raia wa Argentina alizaliwa mwaka 1962 na anakua kocha wa 4 raia wa Argentina kuifundisha klabu hiyo wengine wakiwa ni Roque Olsen, Helenio Herrera na Cesar Luis Menotti.

• Gazeti la michezo la Kihispania lijulikanalo kama Marca limeripoti leo kuwa Staa wa Spurs Gareth Bale atajiunga Real Madrid habari ambayo inasemekana ina ukweli mkubwa kwani gazeti hilo halijawahi kukosea hapo kabla kwani walisema kuhusu Modric,Ronaldo na hata Kaka na habari hizo zikaja kuwa kweli.

• Mabingwa wa England klabu ya Manchester United leo wamepokea kichapo cha mabao 3-2 kutoka kwa Yokohama F. Marinos ya Japan katika pambano la kimataifa la Kirafiki lililopigwa huko Japan. Hii inakua mechi ya pili kwa kocha David Moyes kufungwa katika mechi tatu alizocheza za Kirafiki kujiandaa na Msimu mpya wa ligi.

• Wayne Rooney ameonekana akicheza golf karibu na viwanja vya mazoezi ya klabu ya Chelsea jijini London hali inayozungumzwa kama ni mchakato wa kujiunga na klabu hiyo ya London.

• Totenham Hotspurs wako tayari kuweka rekodi ya uhamisho wa Mchezaji anayecheza katika nafasi ya ushambuliaji Roberto Soldado mwenye miaka 28 toka Valencia ya Hispani kwa ada ya uhamisho paundi milion 18

• Klabu ya Liverpool wanajiandaa kukamilisha mkopo wa beki wa kushoto wa Valencia, Ally Cissokho. Liverpool watatoa paundi 850,000 kama ada ya awali na kuahidi kulipa paundi milion 3.5 ili kumsajili mazima hapo badae.

• Klabu Ya Arsenal inasemekana imejipanga kupeleka dau la Paundi milioni 40 kwaajili ya kunasa saini ya mfungaji bora namba mbili wa EPL, Luis Suarez licha ya kocha wa Liverpool Branden Rodgers kusisitiza kuwa Suarez hauzwi.

Kwa Leo tuishie hapa na tukutane siku nyingine kujua mengi yanayoendelea katika soka

Imetayarishwa na Edo Daniel Chibo wa Wapenda Soka(kandanda) group katika Facebook. Usisahau kuzipata habari nyingi zaidi katika Page ya Wapenda Soka - Kandanda katika Facebook.
..... Tuandikie pia kwa lolote katika wapendasoka@gmail.com