Wenger afunguka juu ya Walcot

Theo Walcot na Arsene Wenger

Arsene Wenger ametanabaisha kwamba mpira kwa sasa umebaki kwenye mahakama ya Theo Walcott, hii ni juu ya ishu ya mkataba wake mpya huku akiamini kwamba mchezaji huyo anafahamu fika kwamba Arsenal ndio sehemu sahihi kwake.

Winga huyo alifanikiwa kuwemo kwenye kikosi washika bunduki kilichocheza dhidi ya Reading siku ya jumatatu na kufanikiwa kushinda ugenini kwa jumla ya mabao 5-2, ila mpaka sasa bado kuna swali moja gumu juu ya mustakabali wa maisha yake ya mbele na timu hiyo.

Inafahamika kwamba Walcott anakaribia kumaliza mkataba wake, mkataba ambao unaotarajia kuisha katika kipindi cha majira ya joto, huku baaadhi ya timu za ndani na nje ya Uingereza zikimtolea mate kutaka kupata saini yake, na hii ni kutokana na mvutano wa kimaslahi kati pande mbili.

“Sio uamuzi wangu, ni uamuzi wa Theo pia, kama uamuzi ungelikuwa ni wangu pekee basi mpango ungeshawezekana haraka,” Wenger alisema, huku akiongeza "Theo amejifunza akiwa Southampton na Arsenal, hapa ndio sehemu ambayo imemfanya awe mchezaji mkubwa.

"Naamini wakati anafikiria kuhusu maisha yake ya baadae, basi atafikiria kwamba hapa ndio mahala sahihi kwa yeye kuweka saini yake na ajili yetu. Nnachoweza kusema shauku yetu iko wazi, na Theo anafahamu hilo. Matumaini yangu tutakuwa na mwisho mzuri juu ya hili."