CHELSEA YASAJILI WAWILI SIKU YA MWISHO YA USAJILI ENGLAND

Mabingwa wa Ligi kuu ya England Chelsea wamefanikiwa kupata saini za wachezaji wawili jana kabla ya kufungwa dirisha la usajili wa majira ya kiangazi.

Danny Drinkwater mchezaji wa zamani wa Manchester United amesajiliwa na Chelsea akitokea Leicester City kwa ada ya uhamisho paundi milioni 35.

Mchezaji huyo wa miaka 27 alichangia sana katika kikosi cha Leicester kilichoshinda ubingwa wa ligi msimu wa 2015-16 lakini aliomba kuihama klabu hiyo baada ya kutambua kwamba anawindwa na Chelsea.

Chelsea pia wamemnunua beki Davide Zappacosta kutoka Torino ya Italia kwa mkataba wa miaka minne kwa ada ambayo haijafichuliwa.

Licha ya kuwapata wachezaji hao lakini klabu hiyo imeshindwa kuwashawishi wachezaji Fernando Llorente aliyekua mshambuliaji wa Swansea ambaye ameamua kutimkia Tottenham na Kiungo wa Everton Rose Barkley ambaye ameamua tu kutojiunga na Chelsea na kubaki Everton.