EPL LEO: ARSENAL YAPIGWA 4G NA LIVERPOOL, CHELSEA YAIANGAMIZA EVERTON

Hali ya Sintofahamu imeendelea kuwakumba mashabiki wa Arsenal baada ya leo kushuhudia kikosi chao kikilambishwa bao 4-0 na wenyeji Liverpool katika mchezo wa ligi kuu ya England kwenye dimba la Anfield.

Sio jambo zuri sana kwa mshabiki kuona timu yake ikifungwa mabao yote lakini ndicho kilichowakumba Arsenal leo.

Mabao ya Roberto Firminho, Sadio Mane,Mohammed Salah na Daniel Sturadge yalitosha kuwapa Liverpool ushindi huo mkubwa.

Kwa Upande wa mabingwa watetezi Chelsea wao wakiwa nyumbani waliweza kuifunga Everton bao 2-0 magoli ya Cesc Fabregas na Alvaro Morata kipindi cha kwanza.

Stoke City wakisafiri ugenini waliweza kutoka sare ya bao 1-1 dhidi ya Wenyeji Crystal Palace huku matokeo kama hayo yakipatikana pia kwenye mechi baina ya Tottenhama na Burnley.