YANGA NAYO YATOLEWA SPORTPESA SUPER CUP

Mabingwa wa Soka nchini klabu ya Yanga imejikuta ikitolewa kwenye mashinsano ya Sportpesa super cup kwa kufungwa kwa penati na AFC Leopards ya Kenya.

Yanga imeungana na Simba,Singida United na Jang'ombe boys kuyaaga mashindano hayo yanayoshirikisha timu za Tanzania na Kenya na ikiwa ni mara yake ya kwanza kufanyika nchini.

Yanga kama ilivyokua kwa Simba yenyewe pia imetolewa kwa Changamoto ya mikwaju ya penati 4-2 dhidi ya AFC Leopards baada ya dakika 90 kumalizika bila kufungana.

kwa matokeo hayo yanafanya sasa dabi ya Kenya baina ya AFC Leopards na Gor Mahia kwa mara ya kwanza kuchezwa kwenye ardhi ya Tanzania baada ya Gor Mahia kutinga fainali pia wakiitoa Nakuru All Stars.