MAKAMU WA RAIS, MGENI RASMI PAMBANO LA EVERTON JIJINI DAR ES SALAAM
Makamu wa Rais wa Jamhuri wa Muungano wa Tanzania Mama Samia Suluhu Hassan anatarajiwa kuwa mgeni rasmi kwenye pambano la soka la kihistoria baina ya Everton ya Ligi kuu ya Engaland dhidi ya Mabingwa wa Kenya Klabu ya Gor Mahia.
Timu hizo zitacheza mchezo mmoja wa kujipima nguvu ikiwa ni maandalizi ya Everton kujiandaa na msimu mpya jijini Dar es Salaam ikicheza dhidi ya Gor Mahia toka Kenya ambao ndiyo mabingwa wa michuano ya SportPesa Super Cup iliyomalizika hivi karibuni.
Simba na Yanga ambao pia wanadhaminiwa na SportPesa wamekosa nafasi hiyo kutokana na kufanya vibaya katika michuano hiyo iliyomalizika Juni 11 kwa Gor Mahia kuifunga FC Leopards bao 3-0.
Viongozi wa Kampuni ya SportPesa ambao ndiyo wadhamini wakuu wa Everton jana walimtembelea makamu wa Rais kumpa mwaliko huo.


No comments