TOFAUTI YA MAGOLI YAITOA SERENGETI BOYS GABON

Matumaini ya Watanzania juu ya timu yao ya Taifa ya Vijana chini ya miaka 17 maarufu kama Serengeti Boys kuweza kutinga hatua ya nusu fainali katika michuano ya Kombe la mataifa ya Afrika kwa Vijana inayoendelea nchini Gabon yamezikwa rasmi jana baada ya kukubali kichapo cha bao 1-0 toka kwa Niger.

Serengeti Boys ambayo ilikua Ukihitaji sare tu kuweza kutinga hatua ya nusu fainali lakini wakashindwa kabisa kuonyesha juhudi thabiti hasa kwa upande wa safu ya Ushambuliaji ambayo ilishindwa kupiga mipira goli huku wakishindwa kuzitumia nafasi walizopata.

Niger ilikua na nafasi finyu ya kutinga hatua ya nusu fainali wakiwa na pointi 1 pekee kabla ya mechi hiyo na kwa ushindi huo Niger na Serengeti boys wote walifikisha pointi 4 wakilingana katika magoli ya kufunga na kufungwa ila Niger wao wanavuka kwakua wameweza kuifunga Serengeti boys.