NEWCASTLE YASHINDA NA KUKARIBIA UBINGWA IWAPO.......

Siku Chache baada ya Newcastle United kupata nafasi ya kupanda daraja kutoka katika ligi daraja la kwanza kwenda ligi kuu ya England wakali hao jana wameendeleza pale walipoishia kwa kutaka kuchukua kabisa ubingwa wa ligi daraja la kwanza (Championship)

Ikiwa Ugenini Newcastle iliweza kuwafunga Cardiff City bao 2-0 katika mwendelezo wa ligi hiyo inayokaribia kufikia ukingoni.

Washambuliaji Christian Atsu na Isaac Hayden ndio waliokua mashujaa kwa newcastle usiku wa jana wakifunga mabao hayo mawili ya Newcastle United.

Matokeo ya jana yanaifanya Newcastle United kufikisha pointi 91 ikiwa ni pointi moja nyuma ya Brighton & Hove Albion wanaoongoza ambao leo watacheza dhidi ya Bristol City na Iwapo Brighton watapoteza mchezo wa leo na michezo mingine miwili iliyobaki wataipa nafasi Newcastle kuchukua ubingwa kama watashinda mechi zote mbili za mwisho.