JOB DONE!! NEWCASTLE UNITED YAREJEA LIGI KUU ENGLAND

Hatimaye timu kongwe katika soka la England Newcastle United imerejea katika ligi kuu ya nchi hiyo baada ya kushuka daraja msimu uliopita.

Ikiwa nyumbani St. James Park jana Newcastle ilifanikiwa kurudi ligi kuu kwa ushindi wa bao 4-1 dhidi ya Preston North End.

Dakika ya 7 tu mshambuliaji Ayoz Perez alishaifungia Newcastle bao la kwanza na kuamsha shangwe katika uwanja uliojaza zaidi ya watu elfu 50 lakini furaha hiyo ilidumu dakika 7 tu kwani dakika ya 14 Jordan Hugill aliisawazishia Preston.

Mshambuliaji anayecheza kwa mkopo Newcastle akitokea Chelsea Christian Atsu alifunga bao safi dakika moja kabla ya mapumziko na kuifanya Newcastle kwenda mapumziko wakiwa mbele kwa bao 2-1.

Kipindi cha pili kilikuwa chema zaidi kwa Newcastle wakiongeza bao zingine mbili kupitia kwa Mattie Ritchie na Ayoz Perez.

Newcastle United imefikisha pointi 88 hivi sasa zikiwa zimebaki mechi mbili huku Brighton ambao wanaongoza na wakiwa wameshapata nafasi ya kupanda daraja wakiwa na pointi 92.

Kwa kufanikiwa kupanda daraja Newcastle United inajikusanyia kiasi cha paundi milioni 200 sawa na takribani bilioni 5 za Tanzania