INSIDE UNITED : MAN UNITED YAKUBALI KUMRUHUSU DE GEA, HATMA YA ZLATAN KUBAKI MAN UNITED KUJULIKANA IJUMAA

Karibu katika makala ya INSIDE UNITED ambapo kila siku tutakua tukiangazia habari mbalimbali zinazoihusu Manchester United na leo Jumatano hizi ndizo nilizokuandalia

● Martin Atkinson ameteuliwa kuchezesha mechi ya dhidi ya Manchester City kesho Alhamis kwenye dimba la Etihadi. Ikumbukwe huyu alishachezesha mechi mbili za United msimu huu ikiwemo mechi ya mwisho kufungwa katika ligi dhidi ya Chelsea Ugenini United ilipofungwa bao 4-0.
Lakini pia alichezesha katika mechi ya United dhidi ya Sunderland katika uwanja wa Old trafford.

● Manchester United wako tayari kufanya mazungumzo na Real MADRID  Kuhusu uhamisho wa kipa namba moja David De Gea lakini wameweka masharti ya kuwataka Toni Kroos na James Rodriguez na paundi milioni 15 ili wamwachie kipa huyo namba moja katika kikosi .

●  Mustakabali wa maisha ya mshambuliaji Zlatan Ibrahimovic kwenye kikosi cha United utaamuliwa Ijumaa wiki hii katika hoteli ya Lowry jijini Manchester ambapo Makamu Mtendaji mkuu Ed Woodward na wakala wa Zlatan Mino Raiola watakuwa na kikao kuhusu mkataba wake.

 ● Manchester United  na Atletico Madrid wameanza mazungumzo ya awali kuhusu uhamisho wa Antony Griezmann.

● Manchester United imepoteza mechi 2 tu katika mechi 38 zilizopita kwenye mashindano yote lakini pia haijafungwa katika ligi kuu ya England Tangu Otoba 24 mwaka jana ilipofungwa bao 4-0 ugenini dhidi ya Chelsea hii ni kuelekeabkatika mchezo wa kesho.

 ● Kocha wa Man United Jose Mourinho anataka kuwasajili mabeki Michael Keane na Lindelof kuziba nafasi za Chriss Smalling na Jones ambao wanatarajiwa kuuzwa mwishoni mwa msimu.

● Kiungo Juan Mata ameanza mazoezi mepesi baada ya kuwa nje kwa muda kadhaa na huenda akarudi rasmi uwanjani katika mechi ya kwanza dhidi ya Celta vigo ugenini kwenye michuano ya Europa League au katika mechi ya ligi kuu dhidi ya Arsenal.

KWA LEO NI HAYO TU TUKUTANE TENA KESHO KATIKA INSIDE UNITED