HANS POPE ATHIBITISHA SIMBA KUMSAJILI DONALD NGOMA NA DANGOTE KUJENGA UWANJA WA SIMBA BUNJU

Katika kujiweka tayari kwaajili ya msimu ujao wekundu wa Msimbazi Simba ambao pia ni vinara wa ligi kuu Soka Tanzania bara wamekamilisha usajili wa mchezaji wa kimataifa wa Zimbabwe anayeichezea Yanga Donald Ngoma.

Akiongea na www.wapendasoka.com akiwa mjini Bukoba ambako Simba ipo kwasasa kwaajili yake dhidi ya Kagera Sugar Jumapili, Mwenyekiti wa kamati ya Usajili ya klabu hiyo Zacharia Hanspope amesema tayari wameshamalizana na mchezaji huyo ambaye amebakiza miezi mitatu kumaliza mkataba wake Jangwani.

"Kwa kifupi Donald Ngoma atavaa jezi nyekundu ya Simba Msimu ujao na tumemsajili kutokana na mapendekezo ya benchi la Ufundi" Alisema Hans Pope ambaye hapindishi maneno linapokuja swala la kuihusu Simba hasa katika usajili na wachezaji.

Aidha katika hali nyingine Simba wamepata ufadhili wa ujenzi wa uwanja wao ulioko Bunju toka kwa kampuni ya Saruji ya Dangote.

Dangote imekubali kuchukua jukumu la kuijengea Simba uwanja mpya wa kisasa huku ikitarajiwa pia kusaini mkataba wa udhamini katika klabu hiyo kongwe na yenye mashabiki wengi hapa Tanzanpia

Hii inakuwa neema kwa Wekundu hao kwani kwa muda mrefu wamekuwa hawana mdhamini baada ya Kilimanjaro Lager kusitisha udhamini wao baada ya mkataba kumalizika.

Hili linakuja siku mbili baada ya uvumi kuenea kwamba Nyasi bandia zilizoletwa kwaajili ya uwanja huo zikitakiwa kupigwa mnada.

Pamoja na Ujenzi wa uwanja huo Dangote imesema itamwaga vifaa vya michezo pamoja na kuleta bus la kisasa kwaajili ya matumizi ya timu hiyo.


*****************
Tafadhali zingatia tarehe ya leo lol