EPL JANA: SPURS,MAN CITY,CHELSEA NA LIVERPOOL ZAFANYA MAANGAMIZI

Ligi kuu nchini England inaelekea katika kukamilika kwa msimu huu na siku ya jana Jumamosi zilichezwa mechi 7 katika viwanja tofauti.

Mechi ya awali hiyo jana Tottenham wakiwa nyumbani waliilaza Watford bao 4-0 Shukrani kwa magoli ya Huen Min-Son aliyefunga mabao mawili huku Delle Alli na Eric Dier wakifunga bao moja kila mmoja.

Katika mechi zingine hiyo jana Manchester City waliikandamiza Hull City bao 3-1 Fabien Delph,Sergio Aguero walifunga bao moja kila mmoja huku El-Mohamedy wa Hull City akijifunga.

Liverpool licha ya kutangulia kufungwa waliweza kuzinduka na kufanikiwa kuibuka na ushindi mzuri wa bao 2-1 wakiwafunga Stoke Wa Brazil Philip Coutinho na Roberto Ferminho walifunga mabao ya Liverpool huku Jonathan Walters akifunga bao pekee la Kufutia machozi.

Chelsea ikicheza ugenini iliweza kuilaza Bournmouth  bao 3-1 magoli ya Adam Smith aliyejifunga,Eden Hazard na Marcos Alonso huku Joshua King akifunga bao pekee la AFC Bournemouth.

Michezo mingine jana Burnley ilipata sare ugenini ya kutofungana na wenyeji Middlesbrough wakati West Ham wakiinyuka Swansea bao 1-0 goli pekee la Kouyate wakati Southampton iliwanyuka West Brom bao 1-0.