YANGA YAINGIA KAMBINI KUJIANDAA DHIDI YA AZAM JUMAMOSI

Mabingwa watetezi wa ligi kuu Tanzania bara Yanga wameingia kambini jana tayari kwa ajili ya mchezo wao wa jumamosi dhidi ya Azam FC.

Yanga ambao ni wawakilishi wa Nchi katika michuano ya kombe la Shirikisho barani wamejichimbia katika kambi katika hoteli moja jijini Dar es Salaam tayari kwaajili ya mechi hiyo ya Jumamosi katika uwanja wa Taifa.

Kwa Upande wa Azam wao leo wamefikisha siku ya 7 katika mazoezi wakijiandaa na mechi hii inayoonekana kuteka nyoyo za mashabiki wa soka nchini.

Mechi hii itakua ni ya kwanza kwa timu hizo tangu zilipokutana katika michuano ya kombe la Mapinduzi ambapo Yanga waliambulia Kipigo cha bao 4-0

Yanga wanaokamata nafasi ya pili kwenye msimamo wa ligi kuu Tanzania bara wana pointi 53 wakati Azam wao wako nafasi ya 3 na pointi zao 44.

Mechi ya mzunguko wa kwanza katika ligi ya Vodacom Tanzania bara timu hizo zilitoka sare ya bila kufungana.