SIMBA YATINGA NUSU FAINALI KOMBE LA FA, MAVUGO AFANYA YAKE TENA

Picha toka Maktaba

Mshambuliaji wa kimataifa wa Burundi anayeichezea Simba ya Dar es Salaam Laudit Mavugo baada ya kuiingiza Simba katika robo fainali sasa ameivusha tena kuingia nusu fainali ya michuano ya Kombe la chama cha soka nchini maarufu kama Azam Sports Federations Cup.

Mavugo alifunga bao pekee katika mechi dhidi ya Madini FC ya Arusha mchezo uliochezwa jioni ya leo jijini Arusha.

Licha ya Madini FC ambayo inashiriki ligi daraja la kwanza kuonekana kuwa njema muda wote wa mchezo Lakini uzoefu ndiyo uliowamaliza baada ya Mafugo kufunga bao hilo kwa kichwa na kumhadaa kipa wa Madini.

Sasa Simba inaungana na Mbao FC kutinga hatua hii ya nusu fainali huku mechi mbili zikiwa hazijachezwa ambapo Yanga itaumana na Prisons wakati Azam wao watacheza dhidi ya Ndanda FC.