MUSSA NDUSHA SASA RUKSA KUICHEZEA SIMBA SC

Habari njema kwa Wekundu wa Msimbazi Simba ambao pia ni vinara wa ligi kuu Tanzania bara baada ya kupata kibali cha uhamisho wa kimataifa wa kiungo wake mpya Mussa Chichi Ndusha toka Jamhuri ya Kidemokrasia ya Congo.

Baada ya mkanganyiko wa muda mrefu na kuwekewa ngumu na klabu yake ya zamani ya FC Renaissance,Simba iliamua kufata kibali cha kimataifa (ITC) moja kwa moja FIFA na leo kibali hicho kimepokelewa na Shirikisho la Soka nchini TFF na sasa mchezaji huyo anayeimudu vyema nafasi ya kiungo ruksa kuitumikia klabu hiyo.

Kibali hicho ndicho kilichokuwa kikisubiriwa na wekundu hao wa Msimbazi kuweza kumtumia mchezaji huyo na sasa ni juu ya kocha Joseph Omog kuweza kumtumia mchezaji huyo.

 Simba itaingia uwanjani kesho Jumapili kucheza dhidi ya Toto Africans ya Mwanza katika uwanja wa Uhuru jijini Dar es Salaam katika mfululizo wa ligi kuu Tanzania bara.