HUYU NDIYE KOCHA WA KWANZA KUTIMULIWA EPL MSIMU HUU.ATIMULIWA KATIKA SIKU YAKE YA KUZALIWA

Akiadhimisha siku yake ya kizaliwa na kufikisha miaka 61, Francesco Guidolin anakuwa kocha wa kwanza kutimuliwa katika ligi kuu ya England msimu huu.

Guidolin alikua akiinoa Swansea FC baada ya kupata kazi hiyo mwezi Januari hajashinda mchezo wowote msimu huu tangu aliposhinda mechi ya ufunguzi mwezi uliopita akiiacha Swansea katika nafasi ya 17 nafasi moja juu ya mstari wa kushuka daraja.

Tayari Swansea wameshapata mbadala wa kocha huyo naye ni Bob Bradley kocha wa zamani wa timu ya taifa ya Marekani anayeifundisha klabu ya daraja la kwanza ya Le Havre nchini Ufaransa.

Bradley anakuwa  Mmarekani wa kwanza kufundisha katika ligi kuu ya England na mchezo wake wa kwanza utakua dhidi ya Arsenal Oktoba 15.