DEMBELE APIGA HAT-TRICK CELTIC IKIIRARUA RANGERS MKONO

Pambano la watani wa jadi katika soka la Scotland kati ya Wenyeji Celtic na Rangers limemalizika kwa Celtic kuibuka na ushindi wa bao 5-1.

Mshambuliaji Raia wa Ufaransa Mousa Dembele ndiye aliyeteka vinywa vya mashabiki baada ya kufunga bao 3 peke yake huku Stuart Armstrong na Scott Sinclair wakifunga bao moja kila mmoja  katika mabao hayo matano.

Rangers ambao walizidiwa vilivyo na kikosi cha kocha Brendan Rodgers walijipatia bao la kufutia machozi kupitia kwa Joe Garder katika mchezo ambao beki wa Rangers Philip Senderous alitolewa nje kwa kadi nyekundu.