WAKATI KOCHA MAYANJA AKITAJWA KUELEKEA KAGERA SUGAR, WACHEZAJI WATANO WASAINI KUICHEZEA MSIMU UJAO

Aliyekua kocha msaidizi wa Simba ambaye amedumu kama kocha mkuu wa klabu hiyo kwa muda mrefu anatajwa kwenda kuifundisha klabu ya Kagera Sugar ya mkoani Kagera.

Simba leo imemtambulisha Kocha wake mpya Joseph Omog raia wa Cameron na katika mambo aliyosema kocha huyo ni pamoja na kutafuta msaidizi wake hiyo ikiwa na maana kwamba tayari Simba imeshampa mkono wa kwaheri kocha huyo.

Klabu ya Kagera Sugar ambayo imenusurika kushuka daraja inatajwa kumwania kocha huyo Raia wa Uganda.

Katika hatua nyingine Kagera Sugar imewatambulisha wachezaji wapya watano ambao imeingia nao mkataba wa mwaka mmoja mmoja kukipiga ndani ya Kagera ambao ni Edward Christopher, Hassan Khateeb, David Burhan , Antony Matogolo na Themmy Felix Mnyama.