LIVERPOOL WAANZA MECHI ZA MAANDALIZI KWA USHINDI KIDUCHU

Liverpool jana ilianza mechi zake za kujiandaa na msimu mpya wa ligi nchini England kwa kuifunga timu ndogo ya Tranmere Rovers katika mchezo mkali uliopigwa katika dimba la Prenton Park.

Ikiwachezesha wachezaji chipukizi na wale waliosajili hivi karibuni wakiwemo Sadio Mane aliyesajiliwa toka Southampton ambaye alionekana kucheza vyema na kuwafurahisha mashabiki.

Pia walikuwepo kipa Loris Karius na mlinzi Joel Matip ambao nao walionekana kuwa vyema katika kikosi cha Liverpool kilichoseheni wachezaji wengi ambao walikua klabu zingine kwa mkopo na wale waliotoka katika timu ya vijana.

Liverpool walipata bao pekee katika mechi hiyo likifungwa na mshambuliaji Danny Ings ambaye msimu uliopita haukua mzuri sana kwake kwakutawaliwa na majeruhi.