WAPENDA SOKA FC YATOA KIPIGO KWA MLIMANI TOWER SC KUMBUKUMBU YA MWL. NYERERE

Wapenda Soka FC

Bonanza la soka la kuazimisha kumbukumbu ya kifo cha baba wa Taifa Mwalimu Julius Kambarage Nyerere kati ya Mlimani Tower SC na Wapenda Soka FC limemalizika kwa ushindi wa bao 1-0 ambao Wapenda Soka FC Wameupata.


Pambano hilo lililopigwa katika uwanja wa Nyumbani wa Mlimani Tower SC nyuma ya Mlimani City lilishuhudia mpira wa kasi kwa timu zote hizo ukichangiwa na vipaji vilivyosheheni katika timu zote.

Mlimani Tower SC

Mpaka mapumziko hakuna timu iliyoweza kupata goli lolote na kipindi cha pili timu zote zilionyesha juhudi kubwa kutaka kupata goli na dakika ya 67 Noel Ndidi wakati akiwa katika harakati za kufunga aliangushwa na beki wa Mlimani Tower na refa akaamuru ipigwe penati na bila ajizi Humprey Mrope akaweka mpira kambani.

Licha ya jitihada kubwa za washambuliaji wa wa Mlimani Tower kutaka kusawazisha bao hilo lakini walishindwa kabisa kupata bao huku kipa wa Wapenda Soka FC Edo DC akiokoa michomo mingi iliyokua ikilengwa golini.

Mpaka mwisho wa mchezo Wapenda Soka waliibuka na ushindi huo wa bao 1-0