SIMBA YAFUTA UTEJA KWA MBEYA CITY, YANGA NA AZAM HAKUNA MBABE

Ni mwaka wa mabadiliko kwa Simba baada ya kufuta uteja wa kufungwa na Mbeya City na kuwafunga kwao kwa bao 1-0.

Mchezo huo wa Ligi kuu Tanzania Bara uliopigwa katika dimba la Sokoine Jijini Mbeya Ulikua wa kwanza kwa Simba kushinda  dhidi ya Mbeya City Tangu timu hiyo ilipopanda daraja misimu miwili iliyopita.

Goli pekee la Simba katika mchezo huo lilifungwa dakika ya pili ya mchezo kupitia kwa beki wake raia wa Uganda Juuko Murshid aliyemalizia mpira wa kona ya Mohamed Hussein ambayo ilishindwa kuokolewa na mabeki wa Mbeya City na kipa Wao Juma Kaseja.

WAKATI HUO HUO....

YANGA 1-1 AZAM FC

Katika mchezo mwingine wa ligi hiyo Vinara wa ligi hiyo na mabingwa watetezi Yanga walitoshana nguvu na mabingwa wa Afrika Mashariki na Kati Azam FC kwa kugungana bao 1-1.

Donald Ngoma alitangulia kufunga kwa upande wa Yanga dakika za mwisho za kipindi cha kwanza kabla ya  Kipre Tchetche hajaisawazishia Azam Fc huku Yanga wakikosa penati katika mchezo huo.