RAIS WA SIMBA AFUNGUA OFISI ZA KISASA ZA TAWI LA SIMBA DAMU FANS TABATA

Ofisi za Kisasa za tawi jipya la wanachama wa Simba maatufu kama SIMBA DAMU FANS limefunguliwa leo Tabata jijini Dar es Salaam na Rais wa Simba Evancls Aveva.

Aveva ambaye aliambatana na msemaji wa timu hiyo Manara walianza kwa kupandisha bendera ya Simba ikiashiria ufunguzi rasmi wa Tawi hilo na kisha kusaini kitabu cha wageni.

Kiongozi huyo mkuu wa Simba alisifu juhudi zilizofanyika mpaka kupatikana kwa Ofisi hiyo ya kisasa ambayo itakua ndiyo makao makuu ya tawi hilo linaloundwa na vijana watupu

Rais Aveva pia aliwapongeza Simba Damu Fans Na kuwaomba waendelee hivyo hivyo akisifu juhudi zilizofanyika kwa upatikanaji wa ofisi zenye kila kitu muhimu kwa ofisi kitu ambacho kilionekana ni kigumu sana hapa kwetu Tanzania na akaasa matawi mengine kuiga mfano wa Simba Damu Fans.

Simba Damu Fans ilianza Rasmi mwaka 2010 na kupitia changamoto nyingi ambazo ziliijenga na kuweza kuwa tawi kamili likiwa na ofisi zake sasa ofisi ambazo ni mfano wa kuigwa kwa matawi mengi ya wanachama wa vilabu hivi vikongwe vya Tanzania.

Mwenyekiti wa Tawi hilo la Simba Damu Fans bwana  Karim Boimanda amemuomba Rais adumishe umoja ndani ya Simba Ili kuiletea mafanikio Simba.

Rais wa Simba akisaini kitabu cha wageni aliyesimama ni mwenyekiti wa SDF Boimanda