CHELSEA YACHAPWA 3 NYUMBANI MOURINHO AJIANDAA KUFUKUZWA

Ni majanga juu ya majanga ndivyo unavyoweza kusema baada ya Mabingwa watetezi Chelsea kuambulia kichapo katika mchezo wake dhidi ya Southampton katika uwanja wa Stamford Bridge maarufu kama darajani.

Chelsea imebugizwa bao 3-1 na Southampton katika mchezo huo wa ligi kuu Nchini England ikiwa ni mechi ya 8 tangu kuanza kwa msimu huu wa ligi kuu.

Kiungo wa Brazil Willian alitangulia kuwapa Chelsea bao dakika za mwanzo kabisa baada kuanza mchezo huo lakini Steven Davis aliisawazishia Southampton kabla ya Sadio Mane na Graziano Pelle hawajafunga mabao ambayo yalidumu mpaka mwisho wa mchezo.

Baada ya mchezo huo Mourinho alikua na haya ya kuyasema
 " Kuwa mabingwa sasa ni ngumu sana kwasababu tofauti ya pointi ni kubwa sana lakini nashawishika kusema tutamaliza katika nafasi 4 za juu."

"Kama klabu inataka kunifukuza wafanye hivyo maana siwezi kukimbia"

"Kama klabu ikinifukuza watakua wamemfukuza kocha bora kabisa katika historia ya klabu hii.