MAN UNITED VS MAN CITY HAKUNA MBABE, SPURS YAUA UGENINI

Mechi ya ligi kuu nchini England baina ya vigogo vya jiji la Manchester yani Man United na Man City imemalizika kwa sare ya bila kufungana.

Pambano hilo lilipigwa katika uwanja wa Old Trafford nyumbani kwa Manchester United na kushuhudiwa ufundi mwingi katikati ya uwanja huku ikizalisha mashuti machache yaliyolenga goli.

Matokeo ya sare leo yamekua faraja kwa Man City kwani wamerudi katika uongozi wa ligi hiyo wakifungana na Arsenal wote wakiwa na pointi 22 huku City ikiwa na uwiano mzuri wa magoli ya kufunga na kufungwa.

Man United wao matokeo hayo yamewabakiza katika nafasi ya 4 wakilingana pointi na West Ham wanaokamata nafasi ya tatu.

Katika mechi nyingine jioni hii Tottenham iliinyeshea mvua ya magoli klabu iliyopanda daraja ya Bournemouth kwa kuifunga mabao 5-1.

Harry Kane alifunga mabao matatu peke yake huku Eric Lamela na Moussa Dembele wakifunga bao moja moja.

Mechi ya mapema leo ilishuhudia Sunderland ikiibuka na ushindi wake wa kwanza msimu huu kwa kuitandika Newacastle bao 3-0.