ARSENAL HOI YAPIGWA 3 NA TIMU YA DARAJA LA KWANZA.

Arsenal jana ilinyamazishwa na timu ya daraja la kwanza Sheffield Wednesday baada ya kufungwa bao 3-0 katika mechi ya kombe la Capital One.


Mechi hiyo ya marudiano ya raundi ya nne ilishuhudiwa kocha Arsene Wenger akiwatumia vijana wengi na pia akipata majeruhi baada ya kuumia kwa washambuliaji wake Alex Oxlade-Chamberlain  na Theo Walcot

Magoli ya Sheffield yalifungwa na Roce Wallace dakika ya 27 badae Lucas Joao aliongeza la pili dakika ya 40 na kufanya mchezo huo kwenda Mapumziko Arsenal wakiwa nyuma kwa bao 2-0.

Kipindi cha Pili vijana wa Arsene Wenger walishindwa kabisa kupita ukuta wa Sheffield Wednesday timu ambayo haijapoteza mchezo wa kombe hilo ikiwa nyumbani tangu mwaka 2008. Goli la Tatu liliwekwa kimiani na Sam Hutchinson dakika ya 51

Kwa matokeo hayo Arsenal ndo wameaga michuano hiyo huku Wednesday wakivuka kuingia robo fainali.