MSUVA MCHEZAJI BORA TANZANIA WAKATI KADO NDIYE KIPA BORA

Wadhamini wa ligi kuu nchini Tanzania kampuni ya Simu za mikononi ya Vodacom leo imetoa zawadi kwa timu na wachezaji waliofanya vizuri katika msimu wa mwaka 2014/2015 shuguli hiyo ikifanyika katika hotel ya JB Belmonte Posta jijini Dar es Salaam na kuhudhuriwa na wadau  wa Soka.

Bingwa wa msimu wa mwaka 2014/2015 timu ya Yanga SC ilikabidhiwa hundi ya milioni 80,401,160. Mshindi wa pili timu ya Azam FCyenyewe imejinyakulia hundi ya shilingi milion 40,200,580. Simba SC ambao ni washindi wa tatu wao wamenyakua milioni 28,714,700 huku Mbeya City wakipata milioni 22,791,760 kwa kushika nafasi ya 4.

Mfungaji bora wa ligi hiyo msimu uliopita Simon Msuva alinyakua pia zawadi ya mchezaj bora na kujinyakulia kitita ca TZs 5,742,940.

Mwamuzi bora ni Israel  Nkongo, huku kocha bora wa mwaka akikamata Mbwana Makata wa Prisons

Shabani Kado aliyeidakia Coastal Union yeye  kanyakua tuzo ya kipa bora