IMETHIBITISHWA: LIVERPOOL YAMSAJILI DANNY INGS

Majogoo wa jiji klabu ya Liverpool imefikia makubaliano ya kumsaini mshambuliaji wa Burnley na timu ya taifa ya England Danny Ings huku ikisubiriwa vipimo vya afya.

Ings ambaye timu yake ya Burnley imeshuka daraja anatarajia kujiunga na Liverpool Julai 1 baada ya kumalizika mkataba wake na Burnley.

Mchezaji huyo mwenye miaka 22 amefunga magoli 43 katika mechi 130 alizoichezea Burnley huku akifunga mabao 11 katika mechi 35 msimu huu

Huyu ni mchezaji wa pili kusainiwa na Liverpool msimu huu baada ya James Milner aliyesajiliwa akitokea Manchester City na ataungana na Divock Origi ambaye alipelekwa Ufaransa kwa mkopo.