DE JONG AIKACHA MAN UNITED AJIFUNGA AC MILAN

- Kiungo wa kimataifa wa Uholanzi anayekipiga katika klabu ya AC Milan Nigel De Jong amesaini mkataba mpya na klabu yake hiyo mkataba utakaomweka San Ciro mpaka June 30 mwaka 2018.



De Jong ambaye aliichezea Manchester City kabla ya kujiunga na AC Milan miaka mitatu iliyopita kwa ada ya uhamisho wa paundi mikion 3 alikua akiwaniwa na kocha Luis Van Gaal wa Manchester United mwezi January habari ambazo zilitawala vyombo vingi vya habari dili ambalo Wapenda Soka waliamini lingefanikiwa mwezi wa sita.

Manchester United walitaka kumsajili De Jong kama mchezaji huru baada ya mkataba wake kumalizika mwishoni mwa mwezi huu ili kutibu ugonjwa wa muda mrefu wa mabingwa hao wa kihistoria wa England katika nafasi ya kiungo.

Kama Man United wataendelea na msimamo wa kumtaka mchezaji huyu basi itawapasa kulipa ada ya uhamisho itakayopangwa na klabu hiyo ya jiji la Milan.