BONGE LA BEKI WA STOKE CITY ASAJILIWA LEICESTER CITY

Beki wa kimataifa wa Ujerumani Robert Huth amesajiliwa na Leicester City akitokea Stoke City katika Ligi kuu ya England.

Mchezaji huyo mwenye miaka 30 alimwaga wino jana kuichezea Leicester City baada ya mkopo wake toka Stoke City kumalizika katika Klabu hiyo ambayo ilinusurika kushuka daraja msimu uliopita.



Ameichezea Leicester mara 14 msimu uliopita na kuinusuru kushuka daraja. Alipofika klabuni hapo Leicester City ilikua ikishika mkia lakini aliisaidia timu hiyo kushinda mara 7 katika mechi tisa akifunga bao la ushindi katika mechi dhidi ya West Brom ambapo Leicester ilishinda bao 3-2.

Huth anakua mchezaji wa pili aliyesajiliwa na Leicester City baada ya beki wa Austria Christian Fuchs.

Alicheza mechi 187 akiwa na Stoke City na kufunga mabao 18. Alifika England mwaka 2001 wakati meneja wa Chelsea wakati huo Claudio Ranieri akitokea Ujerumani.